វត្តពោធិការាម

ផែនការរបស់យើង

​

វត្តពោធិការាម មណ្ឌលអូតាវ៉ា នៃពុទ្ធសាសនិកខ្មែរ បានរីកចម្រើនឡើងជាលំដាប់ ហើយបានផ្លាស់ប្តូរពីកន្លែងមួយទៅកន្លែងមួយទៀត។ ឥឡូវនេះវាមានទីតាំងនៅលើដីធំមួយដែលមានទំហំ 2 ហិចតា នៅអាសយដ្ឋាន 4537 Hawhtorne Road, Ottawa, ON។ កន្លែងនេះគឺជាទីតាំងសមស្របសម្រាប់សាងសង់ជាវត្តអារាមព្រះពុទ្ធសាសនាជាអចិន្ត្រៃយ៍។

យើងខ្ញុំ ព្រះសង្ឃ ក្រុមប្រឹក្សាភិបាល និងទីប្រឹក្សា បានធ្វើការសម្រេចចិត្តដោយមានការឯកភាព និងបានរៀបចំពាក្យសុំស្នើសុំច្បាប់ស្តីពីការកំណត់តំបន់ ដើម្បីឱ្យយើងអាចប្រើប្រាស់កន្លែងនេះធ្វើជាវត្តអារាមដោយគ្មានបញ្ហាអ្វីឡើយ។

«ហេតុអ្វីបានជាអ្នកត្រូវការច្បាប់កំណត់តំបន់?»

ច្បាប់​កំណត់​តំបន់៖

• អនុវត្តគោលបំណង និងគោលនយោបាយនៃផែនការផ្លូវការរបស់ក្រុង

• ផ្តល់នូវវិធីសាស្រ្តស្របច្បាប់ និងច្បាស់លាស់ក្នុងការគ្រប់គ្រងការប្រើប្រាស់ដីធ្លី និងការអភិវឌ្ឍនាពេលអនាគត

• បន្ថែមពីលើផែនការផ្លូវការ វាការពារអ្នកពីការប្រើប្រាស់ដីធ្លីដែលមានជម្លោះ និងអាចមានគ្រោះថ្នាក់នៅក្នុងសហគមន៍របស់អ្នក" ច្បាប់កំណត់តំបន់៖ ontario.ca

ដើម្បីដាក់ពាក្យសុំច្បាប់កំណត់តំបន់ យើងត្រូវត្រៀមខ្លួនជាមួយនឹងចំនួនទឹកប្រាក់ប្រមាណ ៣៥,០០០ ដុល្លារសម្រាប់ការដាក់ពាក្យ និងតម្រូវការផ្សេងៗទៀត។ ដោយសារវត្តពោធិការាមគឺជាអង្គការសប្បុរសធម៌ និងជាអង្គការមិនស្វែងរកប្រាក់ចំណេញដែលរស់រានមានជីវិតដោយសារការបរិច្ចាគពីអ្នកបរិច្ចាគ និងអ្នកគាំទ្រដ៏សប្បុរស យើងសូមស្នើសុំការជួយឧបត្ថម្ភតិច ឬច្រើន ដើម្បីឲ្យគម្រោងនេះបានសម្រេចដោយជោគជ័យ។

​