វត្តពោធិការាម

អំពី

គម្រោង

បរិច្ចាគ

ចូលរួម

​ ចិត្តសទ្ធា អធ្យាស្រ័យ និងសាមគ្គី ជាកម្លាំងសហគមន៍ខ្មែរ

វត្តពោធិការាម ហៅវត្តថ្មី បដិសន្ធិឡើងលើទឹកដីអូត្តាវ៉ា ប្រទេសកាណាដា ដើម្បីជាប្រយោជន៍ដល់សហគមន៍ខ្មែរអូត្តាវ៉ា និងខ្មែរ​ទូទាំងប្រទេសកាណាដា ក៏ដូចជាខ្មែរទូទៅក្នុងសកលលោក។ 

​

តួនាទីរបស់វត្តពោធិការាមគឺចូលរួមផ្សព្វផ្សាយនូវពុទ្ធធម៌ ប្រពៃណី វប្បធម៌ ទំនៀមទម្លាប់ ភាសា និងអត្តសញ្ញាណជាតិខ្មែនៅឯនាយសមុទ្រ។ ព្រះពុទ្ធសាសនា និងវប្បធម៌ខ្មែរ​គឺជាមរតដ៏មានតម្លៃកាត់ថ្លៃពុំបានដែលបុព្វបុរសយើងបន្សល់ទុកមកដើម្បី​ជាពន្លឺជីវិតនៃអនុជនជំនាន់ក្រោយ។ យើងទាំងអស់គ្នាគឺជាកូន​ចៅ អនុជនរបស់បុព្វបុរសរបស់យើង ហើយយើងនឹងក្លាយជាបុព្វបុរស​របស់កូនចៅយើងក្នុងពេលអានាគត។ ហេតុដូច្នេះ ក្នុងពេលមានជីវិត មានឱកាស យើងគប្បីបង្កើតពេលវេលាដើម្បី​ថែរក្សា លើកស្ទួយនូវមរតកដ៏មានតម្លៃនេះទុកឲ្យបានគង់វង្សយូរអង្វែងសម្រាប់ជាប្រយោជន៍ដល់កូនចៅជំនាន់ក្រោយ និង​មនុស្សជាតិទូទៅ។ 

​

«រូបំ ជីរតិ មច្ចានំ នាមគោត្តំ ន ជីរតិ» រីរូបនៃសត្វ តែងវិបត្តិចាស់ជរា ឯនាមនិងគោត្តា ឥតជរាដូចរួបឡើយ សូន្យបាត់តែរូបទៅ កេរ្តិ៍ឈ្មោះនៅជិតបង្កើយ បើគេមិនតោះតើយ គេអាចស្គាល់​យូរអង្វែង។ (ពុទ្ធភាសិត ប្រែជាកាព្យដោយសម្តេចព្រះសង្ឃរាជ ជោតញ្ញាណោ ជួន ណាត)

​

កាលបើផ្ទះត្រូវភ្លើងឆាបឆេះ ជនម្ចាស់ផ្ទះតែងជញ្ជូនទ្រព្យសម្បត្តិមានភាជនៈ​ជាដើមចេញអំពីផ្ទះ ទ្រព្យណាដែលគេប្រញាប់ជញ្ជូនចេញផុត ភ្លើងឆេះមិនបាន ទ្រព្យនោះរមែងបានទៅជាប្រយោជន៍របស់គេតទៅ យ៉ាងណាមិញ សត្វលោក​ដែលត្រូវភ្លើង គឺជរានិងមរណៈឆាបឆេះ គួរប្រញាប់ជញ្ជូនចេញឲ្យផុតអំពីផ្ទះ គឺរាង​កាយដោយការឲ្យទាន ព្រោះថាទានដែលគេឲ្យហើយនោះឯង ឈ្មោះថាបានជញ្ជូន​ទ្រព្យទុកដោយល្អ មិនឲ្យភ្លើងឆាបឆេះបាន ក៏យ៉ាងនោះដែរ។​ «ពុទ្ធភាសិត»

​

ឱវាទរបស់ព្រះសម្មាសម្ពុទ្ធតែងតែថ្មីគ្រប់កាលសម័យ ហើយឲ្យផលដល់អ្នកប្រតិប​ត្តិគ្រប់រូប មិនរើសបុគ្គល ឋានៈ បុណ្យសក្តិ ទ្រព្យយស មិនរើសពេលវេលា។